جاب الحزن مكالمة عبر جوال
تقول رمز النصر ودع حياته
موت الخلايق حق في كل الأحوال
منيته مكتوبة يوم جاته
الآدمي الحي عايش بالآمال
من خلقته مكتوب ساعة وفاته
مرحوم يا رمز الرياضة والأبطال
مخلص وحبه للوطن من صفاته
لو غاب عنا دايم الدوم بالبال
يشهد له التاريخ ومجلداته
ذكره مخلد جيلنا اليوم واجيال
تاريخ ناد النصر يربط بذاته
إنجاز أبو خالد على راس ما طال
من شبته بالعمر حتى مماته
محبوب بين الناس قوله بالأعمال
متواضعٍ والخلق من ميزاته
عزاي لآل سعود ذربين الأفعال
أعمام وأخوان وبنين وبناته
"الريـاضيـة"