أحدٍ يقاس الدهر زينه وشينه
واحدٍ وطاه الدهر باول زمانه
الحال ناحل من هموم وغبينه
واللي بقلبه تعرفه في وجانه
من قل ماله نادر اللي يعينه
كل تبراء منه حتى اخوانه
عزى لحالة دام فرغت يدينه
والنفس تابا عن دروب المهانه
والبيت صكه في المحاكم رهينه
وراع البقاله ما دفع له وزانه
واللي بهذا الحال يا سقم عينه
لا أحد رحمه ولا شمله الضمانه
زاد الكرام الصبر هو والسكينه
مالك ومال الناس كل وشانه
الحر ما يرضى بأحد يستهينه
على جواد العز قاضب عنانه
الرجل تعرف مقصده في جبينه
والخبل يكشف غايته في بيانه
والقرم تنداء بالفضائل يمينه
واللاش تلقا لوثة في لسانه
اللاش خله عنك لا تستعينه
يوذيك في هرجه وكثر امتنانه
وأبعد عن البلاس لو زاد دينه
يخدعك وأنته تحسبنه ديانه
تفننو بالحسد هو الظغينه
خلو عدو الدين يطلق حصانه
تفكرو يا هل العقول الرزينه
لا فيه ماويه ولا فيه أمانه
ليا صرت ما تامن بوسط السفينه
وين الامان ليا فقد من مكانه
"مدارات شعبية"