شمس الرياضة

فقيد الرياضة والرياضيين الأمير عبدالرحمن بن سعود رحمه الله في يوم الخميس الموافق 12-6-1425هـ
البارحة حي وكلن يشوفه
واليوم أبو خالد مع اعداد الأموات
ياما قرينا واتحفتنا حروفه
وياما هتف له فالملاعب بالأصوات
في رحمة الله ياللي كلك مروفه
عليك من كل الملايين عبرات
نفسك حبيبه والسجايا معروفه
رجل المواقف والعزوم القويات
شمس الرياضه ما تجلى كسوفه
من عقب فيصل يا بو خالد بلوعات
نفسك بدرب المكرمات معسوفه
كم كربة فرجتها عقب ضيقات
الله يفرج لك بيوم نصوفه
يجزاك عنا يا ابيض الوجه جنات
يوم طويل للخلايق وقوفه
وانت يضلك والى العرش رحمات
الله يجبر بالتعازي مخلوفه
ويعيضنا فاللي تعلى للرفيعات
يا رب تقبل من رفع لك كفوفه
يصير قبره مد شوفه وروضات