خلاص حان الوداع وبان هجراني
ارجوك لا عاد تذكرني وتطريني
خلاص لا عاد ترقب رجعتي ثاني
فكرة رجوعي شليها لا تقوليني
يمكن بعد ما يروح يحن ولهاني
للذكريات الجميلة معه ويجيني
يمكن يعود وتجيبه لي الأزماني
يمكن يحس بغلاي ولا يخليني
يمكن.. ويمكن آمال وحلم وأماني
لا يمكن انه يصير اللي تمنيني
لا يمكن اني اعود لكان ما كاني
اللي مضى ما يعود الزين والشيني
أنا رحلت اعذريني والعمر فاني
مصير عمر الفتى للقبر والطيني
خلاص حان الوداع ارجوك تنساني
انسي زماناً عرفتك فيه ونسيني
"مدارات شعبية"