تمر من السنين أربع ثلاث اللي تمر تمر
أبا اعيشك مثل ما الله كتب يا عمري أعيشك
وأنا عيب علي أشكي ولو ذقت القهر والمر
ولو يا قلب ابن دواس حت من الوهن ريشك
مدام إني ولد حر لفوه وبشروه بحر
أقومك يا زمن وأقف ولا أجزع من تفاتيشك
تمر صدوف والدنيا علينا بالهموم تجر
والا ياليل بسم الله منك ومن خفافيشك
عداك السو يا يمنا تجيب القافيه وتسر
وعداك العيب ياراس تحار الناس في ليشك!!
أحب من البيوت اللي يجلك بارقات الغر
وأعاف من البيوت اللي تعدى منطقة عيشك
والا يالله أن بوجهك مدام إن العيون تظر
والا يا راعي الخزه تنحى وإنزح بجيشك
وإذا شفت العرب طارت ورى طيش المفاتن قر
توكل واستعذ بالله ولا تركض ورى طيشك
تنهض وإزحم وداحم وإذا ضافت ضلوعك زر
على قلبك ترى قلبك سبايب كل تبليشك
نصيحه وأربع أشياء عليهن دوم كر وفر
صلاتك ثم صلاتك ثم صلاتك بعدهن عيشك
"مدارات شعبية"