عجيب يا قلبي وعجبت دروبك
ما شفت علم جايز لك ومعجبك
يا قلب حاسبني وحاسب ذنوبك
ما دري بخلان الرخاء وش مرغبك
وش ولعك في ناس ما قلدوا بك
ما ثمنوا حقك وقاموا بواجبك
ربع يذريها الذرى عن هبوبك
خسران لو تشكي عليهم مصايبك
ان حصلوا مقصودهم ربعوا بك
وسووا لك الخط الزلق لين يقلبك
وعند النهاية برقوا واضحكوا بك
كم من ضحوكٍ ولا هو مجنبك
ان كان ما تلمس أيدينك جيوبك
في ذمتي ما منهم اللي يصاحبك
اعرف على جسمك تفاصيل ثوبك
واترك مذاهبهم وعزز مذاهبك
"مدارات شعبية"