يا ساعة الوقت يكفي وش بعد باقي
زادت دقايق عذابي مع ثوانيها
ليت الدقايق على ما أريد تنساقي
وأسوق وقتي على كيفي وامشيها
لا شك طالت علي وشانت أخلاقي
وهموم قلبي بوسط الصدر أخفيها
في رحلة اليأس أخايل كل براقي
وآخذ واعذل على نفسي وأمنيها
من غيبة الشمس حتى وقت الإشراقي
وأنا عيوني بسهر الليل مشقيها
الحزن في دفتري مطبوع باوراقي
يحز.. في نفس كاتبها.. وقاريها
ترثي الحالي اعداي.. وكل عشاقي
حتى القصيدة تبكيهم معانيها
راحت حياتي شقا وهموم وفراقي
عسى الفرج يكتبه ربي بتاليها
"مدارات شعبية"