قعدت من نومي وفزيت كني
فيصل ولد خالد يبي شوف سلطان
قالوا له انك طيب ومتهني
هذا الغلا يفرق من انسان لانسان
عن كل اهل حائل وشمر وعني
كل الغلا لك يا سلايل كحيلان
يا سيدي لو انها بالتمني
افديك انا وفلان وفلان وفلان
الشعب كله للطلب ما يثني
من حدنا الغربي إلى الشام لعمان
وكل أمة الإسلام شيعي وسني
تدعيلك الله وانت للخير عنوان
طهور وسنين المعافى يجني
يا دولة الأيتام يا عالي الشان
جاك الصغير وجاك حتى المسني
شفقان شعبك وانت للشعب شفقان
وان صافحت يمناك يمناي اني
ازود فوق مفطح الحيل قعدان
عيد لوجه الله واسلم واهني
واقول يا سلطان ما مثلك انسان
"مدارات شعبية"