النصيحة واجب قولها عند اللزوم
اسمعوها وافهموها عساكم قدها
قيل في الأمثال يا لله عسى عمرك يدوم
لاستحيت بقول كلمة فالاول بدها
الرفيق النذل لاتامنه كتم العلوم
لا عطيته سالفه بان خافي سدها
لا ترافق كل بلاس في طبعه نموم
لا سمع لك هرجة خالفك ثم ردها
النذل لامن ضحك لك ترى قلبه سموم
ضحكته تمويه والقلب منه صدها
رافق اللي في المراجل يعرفون السلوم
الكرم والجود فيهم صعيب عدها
رافق اللي لا بغيته لقيته في اللزوم
شوق عذراً في الغداري ينور خدها
لا نخيته ذب لك غترته قبل الهدوم
ينطح الشدات صامل ويلعف جدها
والمراجل ما كسبها رديين العزوم
ما كسبها كون رجل اعزومه شدها
والنصيحه شامله للخصوصي والعموم
والقصيده جاتكم ما تعدت حدها
"مدارات شعبية"