لا حبيبي .. ما انت في عيني قمر
أنت كل النور في ظلما سماي
وصفك أبعد من خيالات الصور
وان بديته مستحيل اوصل مداي
مالك بعيني سوى كل النظر
وما لك بعمري سوى عمري وهناي
حبي أكبر من خيالك لو كبر
ما تلاقي مثل حبي من سواي
دام انا عمري بدا وانت العمر
فرحتي يوم التقي بك يا غلاي
انتظرت الوعد والوعد انتظر
لين ما غافلت فرقاي.. بلقاي
الحنين اللي جمعته وانتثر
في دروبك عاد واستدرك هواي
ابتسم لك بالفرح وجه القدر
وانتهى حزن المقادير وعناي
وانشغل بالحب تفكير الزهر
هو شذاك اللي سبق والا شذاي ؟!
يا خطاي اللي ذكرته واعتذر
لو نسيتك صار نسيانك خطاي
خطوتي لك حلم وطيوفك سفر
وان وصلتك ما بتوصل منتهاي
خلني بنساك باحضان السهر
لين ما تطري على خاطر مساي
ما حدٍ قبلك على قلبي أمر
وما حدٍ بعدك بيستاهل وفاي
رد لي من فرحة أيامي خبر
لين ما القى عندك آخر مبتداي!
وآخذك من وين ما قلبي قدر
واترك التفكير بالعالم وراي
لو جرحني كذب أحاسيس البشر
يكفي انك بأصدق احساسك معاي
"مدارات شعبية"