لا تشتكي وتقول ما عندنا شيء
يا ما ملكت الشمس صافي سماها
دامك تشوف الورد والشوك والضيّ
هذه عيونك بس.. يكفي سناها
لحن الوفا لو تسمعه صار لك فيّ
من رمضا هالقسوة وخافي بلاها
دوّر على القمر إذا الليل في غيّ
لا بد للصحرا ديمه لجفاها
لا تقتل الفرحة وفي نبعها ري
تروي القلوب اللي شكت من ظماها
تمر العذق ما ينكره كاين حيّ
نقش الطيور اللي يضفي حلاها
قيض الحزن في القلب ما يكتوي كيّ
دام الهقاوي بالزمن ما نساها
إن كان أوراقك تساوم على الطيّ
قطع الرجا في دفترك هو مداها
أيام عمري حلوها ومرّها لي
صدى الأماني يختفي في مناها
"مدارات شعبية"