إذا ربي بلاك بحب من تهوى وقابلته
تراها فرصة بالعمر ما تعادل مواعيده
يقوله واحد مبلي بحب اللي تساهلته
طلع خداع يوم الله بلاني صرت من صيده
بعد وثق غرامه ما قويت أنسى ولا طلته
أحبه من صميم القلب لو كثر تصاديده
بقا هو شغلي الشاغل وغيري يمه أرسلته
عسى يوم صدفني فيه رب الكون ما يعيده
بذلت الجهد في شتى الحيل صعبة محايلته
ولا عينت فود ولا استفدت بعكس ما فيده
ألا يا كثر ما جاني من التعذيب واشتلته
ما ظنه يرحم اللي مبتلى به والشفا بيده
تحملت الشقا والهم بأسبابه جاملته
ولكن ما نفع يا ليت لو كررت ترديده
عسى ربي يجيب اللي فراقه ما تحملته
ثلاثة شهور صابر بالعذاب ومر تنكيده
"مدارات شعبية"