الياصار بالدنيا صديقك يخليك
خله ووادع عشرته لا تخاويه
اليا صار وقت النايبه ما يواسيك
بلأخره مانته بحاجه حسانيه
يذكرك يوم وباقي الايام ناسيك
وش خانة العشره يليا مشاريه
رفقة مثل هذا تراها ترديك
اساسها خدعه وزيف وتمويه
الياصار ماهو باللوازم حواليك
قصده معك فراغ وقته يمضيه
صدتك عن وجه أبو وجهين تغنيك
عن رفقة المشبوه واللي مصافيه
قله مهف مقيط لياه يغويك
واختر عنه رجلن بعاد هقاويه
عزيز نفس وبالمهمه يهقويك
من طيب ساسه طيباتن مباديه
عونك الياضاقت عليك المساليك
وافي وعند اللازمه تعتزي فيه
تعجبك فزعاته ويفخر بطاريك
رفقة وفاء على الوفاء الساس بانيه
ولا يستمع هرجة بغيضٍ حكا فيك
كان اجنبي وإلا من أقرب عوانيه
على العسر والهون دايم يباريك
وخل الردي يلقا ردين ايماشيه
"مدارات شعبية"