عمر الدهر ياصاحبي ماصفالي
مدري ولكن حزني أكثر من الناس
عانيت ودروبي مشيته لحالي
كني غريب وغربتي مالها ساس
جاريت وقتي وغدرت بي ليالي
وعيبي اشيل هموم وانسان حساس
كثر البكا ماريح اليوم بالي
زاد البكاء فيني على الهم هوجاس
اليا ذكرت أيام وقتٍ مضالي
تشيب عيني واشعل الشيب بالراس
نومي طفل واسبح والعب وسالي
وانام كل الليل مدري عن الناس
في وسط حضن امي وحيدٍ لحالي
كني ملكت الكون واهله والانفاس
واصبح وادور لعبتي باعتجالي
واقول هاتوها ترا بكسر الكاس
وكل بيرضيني بقولة ياغالي
خلاص لاتزعل وتبكي وتحتاس
واليوم يايمه طوى الهم حالي
يمه تعالي وامسكي مفرق الراس
شوفي عناي وحسي اللي جرالي
خايف ويلعبي مع الخوف وسواس
ياليت لي قلبٍ مريحٍ وخالي
والا ياليت ارجع طفل ميت احساس
"مدارات شعبية"