السؤال اليوم حتم ينتظر رد الإجابه
ينتظرها والليالي جورها زاد وكبر
هي كلمه بس كلمه خيرها مثل السحابه
يوم هلت واستهلت وافترش روض خظر
مجتمعنا دوم واحد بالتكاتف والحبابه
ما يبي صفو الليالي يتبعه همّ وكدر
وين حنّا من معاق اتبعه كثر الكآبه
ينتظر منا محبه ينتظر كله صبر
نظرت عيونه وربي ترجمت لوعة عذابه
ترجمت كل المعاني بين آهات وسهر
وين حنّا وين حنّا ليه ما نسمع عتابه
هو منا هو ولدنا ليه نتركه بقهر
والمصيبه ناس والله ما تبي حتى سرابه
بعضنا زاد وتكبر ما حمّد رب البشر
قام يستهزي بشكله نظرته فيها غرابه
ما درى ان الإله بحكمته فيها خبر
وبعضنا هذي حقيقه نظرته فيها دعابه
يضحك بوجه المعاق وجامع باقة زهر
وده يشيل التعاسه من عيونه والرتابه
ما يبي هم الليالي باقي فيها اثر
هي حقيقة لو نكابر الاصابع ما تشابه
والمعاق اليوم يسأل وينكم ياهل العذر
والسؤال ينوح يرجي وينها رد الاجابه
ينتظر رد الليالي والالم زاد وكبر
"مدارات شعبية"