يا غيابي كيف طولت المغيب؟
هل حقيقة معجبك طول الغياب
لي مشاعر لي بهالدنيا حبيب
لي عيونٍ ترتجي شوف الصحاب
ماكفاك اني بهالعالم غريب؟
ماكفاك اني قضيتك في عذاب؟
عشت واقع مظلم ودايم كئيب
ذقت حزني شفت حلمي كالسراب
حتى شمسي شفتها يم المغيب
واختفي مع ضيها فرحي وغاب
رحلتي فيها من الشي العجيب
كم تحملت المتاعب والصعاب
ما نسيت انه مقدر لي نصيب
عشتها والقلب صابر ما يهاب
كم تمنيته من اعيوني قريب
كم رسمته كم كتبته في كتاب
كم تعبت اصرخ ولالي من يجيب
كم تعبت ابحث من اللوعة صواب
كم تعبت ولفني صمتٍ رهيب
واندثرت بصحوة اهمومي غياب
"مدارات شعبية"