يقول منهو حزة الضيقة رقا
في راس رجم فيه للشرقي ونين
يا الله لا تكتب على العين الشقا
وانك على ما كدر الخاطر تعين
تعوضني فاللي من أيامي بقا
وانك تصبرني سواة الصابرين
ولا تفرح بين عداي الاصدقا
أهل القلوب اللي بها الحقد الدفين
اللي تدور زبد خضاض السقا
ولا ترجى ألا كل حلاف مهين
والرفقة اللي ما لها ساس محقا
حكمه وقالوها الرجال الطيبين
أتلى تواليها فراق بلا لقا
ولو تاتزين وجهها عيت تزين
يروح صاحبها تقول معلقا
ويستاهل اللي يتبعك يابا الحصين
ولا من الانذال يا ويش تهقا
لا فزعة تشفي ولا عذر سمين
ولا ترى الطيب على وضح النقا
يصفط لك الجزلة ويعطيك الثمين
أليا بدالك لازم به ماتقا
ولا تغيره الليالي والسنين
يقوله اللي حزة الضيقة رقا
في راس رجم فيه للشرقى ونين
"مدارات شعبية"