وين العجوز وطاقمه والزعامات
وين الثرياء والثراء يابهمها
وجه العجوز مرافقاته جميلات
بدعه بدعها في العرب ما أحترمها
صنفك غريب ويحرسنك فتيات
شبه العجوز اللي تنقي خدمها
وين عمر المختار وأهل المروات
اللي قهر كل الجيوش وهزمها
يشوف من في ليبيا حط بدعات
كتاب غبر وآيات ربي شتمها
وجه يذكرنا بعجز خبيثات
الزوجتين اللي إلهي رجمها
له في بنى غازي مصايب وسيات
وله في طرابلس جروح كلمها
في ليبيا المختار للنذل شمتات
يا كيف تحكم في ديار غنمها
ومع كل هذا ينتوي مستحيلات
أحلام عصفور بداجى ظلمها
ينوي لأبو متعب بشر ومكيدات
وين الحظيظ ووين عالي هرمها
وجه قبيح وفيه للخزي شارات
يموت في ذل ونفسه حرمها
والشيخ أبو متعب عريب السلالات
حكامنا اللي حكم ربي علمها
يبقى بخير وسالم من المصيبات
قايد بني الاسلام عرب وعجمها
وبوم الخرايب لو تلاعى بالأصوات
ما نال من حر بعالي قممها
"عزيزتـي الجزيرة"