قالوا تكلم.. قلت هذي قصيده
فيها ألم شاعر ولوعات محتار
قالوا تبسم.. قلت هذي بعيده
صعبة عليّ اضحك وانا دمعتي نار
قالوا ترى أيام عمرك جديده
قلت الجديد احزان قلبي والاخطار
قالوا ترى ما فات صعبٍ تعيده
قلت الشقا يرجع ولو صار ما صار
قالوا وش اللي في حياتك تريده؟!
قلت انتظر ينزاح هم علي جار
قالوا ترى ياسك هو اللي يزيده
قلت البلا ان الياس بالقلب له دار
قالوا تهنّى بالحياة السعيده
قلت الحياة ايام والوقت غدّار
قالوا ترى المحزون ادْواه بيده
قلت الدوا لا شك من عند غفار
"مدارات شعبية"