ليش مستغرب كلام لك أقوله
ليش ما تفهم شعوري واهتمامي
أنت لو تعرف مكانك وين حوله
في رياض القلب مرفوع المقامي
أنت وحدك مآخذ الأمر بدخوله
يوم غيرك يحلم بعز المنامي
والله إنه منزلك محد يطوله
شايل تاج الغلا وأعلى وسامي
مالك عقلي وروحي بالسهوله
يا هناي ويا بعد عمري وغرامي
مقصدي قلبك وتفكيرك أنوله
ما ابي غير الرضى والاحترامي
وان تعذر مطلبي واقفت خيوله
ما أقول إلا على فهد السلامي
"مدارات شعبية"