حنّا عيال إلي حموها على الحيل
صامت عليهم نايفات الجبالي
يا ما كلى ترابها من رجاجيل
ويا ما حكى التاريخ عنا وقالي
يا ناقص الهمّه وبك كثرة الميل
ما تستويلك صعب لو بالخيالي
وش جسّرك يا ناقص العقل للويل
وش جسّرك وإنت من الأصل جالي
حنا هل الطولات جيل ورا جيل
ما هيب سهلة يا حثالات تالي
من دونها عقبان نجد الحلاحيل
تسوق غالي النفس به ما تبالي
أُسود الجنوب أللي تعشاك بالليل
حامينها بإخلاصهم والكمالي
ناسٍ ترى في الغرب والشرق وجبيل
بيدهم كتاب الله والحق عالي
لطامة العايل وللحق قنديل
شعلة ولاء دايم تزيد اشتعالي
حنا حماة الدين وأول هل الخيل
سمّ الكبود معدلين المِيالي
ستر العذارى لابسات الخلاخيل
وعز النفوس أللي بها الظيم والي
تسهر عليها ملوك ما تثني الحيل
عز الديار وشايلين الثقالي
نبراس يا صقر الجزيرة له نشيل
فعلك وقولك صادق العهد نالي
"مدارات شعبية"