مل القلم والمحبرة من حروفي
من كثر ما كتب من هموم ومعاناة
والعين من كثر الدمع ما تشوفي
مليت من كثر الحزن والمناجاة
مدري متى الأيام ترحم ظروفي
ودرب السعادة يا هلى وين ابلقاه
لا والله ان الوقت خان معروفي
مير الصبر يارب منك أترجاه
ترفق بقلب كن وسطه جد وفي
على وليف حرق الكبد فرقاه
اللي بنا له وسط قلبي شروفي
عز الله انه غايه القلب ومناه
ليته على قلبي رحوم ويروفي
يوم عهده لحظه ما نسيناه
نفسي هوى غيرك تراها عيوفي
أما انت قربك دايم باتمناه
غدر الليالي زاد همي وخوفي
وشلون يهدم صرح حنا بنيناه
قلبي من ضلوعي تراها مخطوفي
حتى الطيب احتار يوم استشرناه
يقول قلبك ليه صاير عطوفي
قلت الدواء دكتور أنا وين ابلقاه
"مدارات شعبية"