يا سعودي يا سعودي مد.. راسك
والله انك يا بعد راسي محشّم
دام عبدالله قدح ثورة حماسك
غير ربك يا سعودي لا تعشّم
الشريعة والقيم تدعم اساسك
وانت صامد يا وطنا ما تهشّم
انت مجدك مجد والعزه قياسك
شف ترابك من ولا.. شعبك موشّم
باس شعبك معتلي من قو باسك
يطعمك بالشوف ويذوقك مع الشّم
اوقدت فينا الفتن هذا التماسك
دون حدك للصعوبات نتجشّم
ما ابعدك عنهم ويا ما ابعد مراسك
الخبول اللي على العميا تطشّم
السعود حصون والاوتاد ناسك
والعدو خايب من الحزن يتهشّم
استعن بالله وشعبك والتماسك
ينصرك ويذل تخطيط المغشّم
ويا سعودي كل راس غير راسك
قاصر الا راسك الشامخ محشّم
"مدارات شعبية"