قالوا إتصيف وين قلت إبوطنا
غرب أو جنوب وشرق وإلا شماله
أو بالقصيم اديارنا اللي سكنا
ديرة هل الفزعات لاجال مجاله
قالوا تروح الناس منا ومنا
قلت الوطن بالعين زايد جماله
المملكة كل الشوقه تمنا
دار ( الحرم) دار ( النبي) والعدالة
ازيارته للعبد فرض وسنا
المسلم القادر له الرب قاله
هي عزنا هي فزعة اللي زبنا
عزه ولي العرش جل جلاله
واحة أمان الخايفين إبزمنا
غصب على الحساد وأهل الجهالة
خيره شمل الكل من غير منا
ظلل على كل الخلايق اظلاله
نعيش وإن متنا ابثراها اندفنا
وحكم السعودي ما يجيها بداله
يمسافر غلطان كانك تظنا
إن السفر فرض عليك احتماله
أطفال تجهل والنسا يجهلنا
من طاعهم ضيع قوام الرجاله
اللي جلس بالمملكة ماتعنا
وعليه عاد اللي صرف من حلاله
كما واحد سافر شقى ماتهنا
بالنفس وإلا إعيال وإلا إبماله
وكم جاهل سافر وهو مطمئنا
وبعد السفر أصبح على الكل عاله
يبن الوطن يمسافر عن وطنا
ترهب قريص الداب شوفة إحباله
وإعداد سحب خيلن وأمطرنا
صلو على (محمد) وصحبه أو آله
"مدارات شعبية"