الحزن في قلب متعب ثبت مثل الجبال
يوم قالوا خالتي عند رب العالمين
مؤمن ان الحي كله مرده للزوال
ورغم هذا صار عقب الخبر قلبي حزين
دمعتي هلت على الخد من جود الليال
والحزن يمشي مع القلب والقاسي يلين
حبها في ضامري والوفا طبع الرجال
الوفا مطلوب والناس تمشي باليمين
أم منصور الوفية مثل نور الهلال
جعلها تدخل جنان الرضا في كل حين
العزا فيها لكم يا عزيزين الخوال
جعلكم في صحة دايمة طول السنين
التكاتف والوفا يا كريمين السبال
والوفا والطيب والناس تفعل كل زين
من يقدّم خير يلقى من المولى خصال
الخصال الطيبة في العيال الطيبين
"مدارات شعبية"