استجاب الله لكل اللي دعاه
من شمال وشرق ومن غرب وجنوب
كل مسلم يطلب الله في الصلاه
يشفي اللي منزله نبض القلوب
الأمير اللي الزعامة في خطاه
نائب الثاني من الشعب محبوب
الأمير سلطان ما يوصف غلاه
شمس حبه ما تهاوت للغروب
نحمد الله نشكره نحمد ثناه
جعلها تطهير من كل الذنوب
ونرفع آيات التهاني في شفاه
للمليك ونائبه من كل صوب
غردي يا نجد في لحظة لقاه
خلي الفرحه على خروجه تذوب
التشافي رغبة الشعب ومناه
عن غلا سلطان لا يمكن نتوب
عزنا كله تجمع في ذراه
وعن مشاعرنا أبو خالد ينوب
في دروب المجد كل رجمٍ رقاه
متعب أقدامه على فخر الدروب
الكرم ما بين خلق الله خذاه
للمواطن سيدي صدره رحوب
فاتح بابه لكل اللي بغاه
ناصر المظلوم لي جاه مغلوب
شاربٍ كاس السياسة من صباه
من زعيم وحّد قلوب الشعوب
يقضي الحاجات جزلٍ في عطاه
جوده وعطفه شمل كل القلوب
"مدارات شعبية"