مجرمين فالبلد سووا سوايا
ما يسويها رجالاً عاقلين
يا وجيه الحقد يا خباث النوايا
في وصول الدين أنتم مجرمين
راحت أنفس من فعايلكم برايا
ما سلم من شركم حتى الجنين
طفلةٍ راحت من أسباب الشظايا
يوم فجرها عميل الحاقدين
ويش ذنب إطفال تبكي في زوايا
ونساء تبكي رجال مقتلين
ما عملوا جرمٍ ولا جابوا خطايا
لا لوطن ولا المواطن عاملين
الله المعبود علام الخفايا
عالم الأسرار رب العالمين
نطلبه وقلوبنا يمه نعايا
واقفين وراكعين وساجدين
يا عظيم الشأن يا جزيل العطايا
أنت مولانا وباسمك نستعين
أكشف اللي نيته فيها نوايا
حامل الأحقاد بين المسلمين
الخباث اللى حملوا معنا الهوايا
يدعون الصلاح وهم مخربين
يا وطنا لو مشينا بك حفايا
ما تغير حبنا لك والحنين
في طلبك أرواحنا تصبح هدايا
والشهادة مطلباً للصالحين
يا بلاد الدين ورجال الحمايا
كل شعبك بالإيمان مسلحين
ألرجال اللى يدوسون المنايا
هم حمى شبه الجزيرة ثابتين
ما يزعزع أمننا ناس هفايا
الخوارج بامر ربي فاشلين
للمواجه مع بقاياهم ظمايا
والله إنا للمواجه صاملين
في ظلام الليل ولا في العشايا
بالسلاح وبالذخيرة جاهزين
يا وجيه الشر يا خبث النوايا
يا سواد وجيهكم دنيا ودين
"مدارات شعبية"