لا بأس دمتي ديرتي يالحنونه
ان كان جالك بالولد من يعقّون
نبتت على خيرك نواعم سنونه
وجالِك خبيث الطّبع جنّي ومجنون
أمٍ حنون بغدرهم يطعنونه
يالله عساهم للفنى ما يفيدون
كان الجهاد بفعلهم يدّعونه
وش ذنب ناسٍ بالمساجد يصلّون
بانت حقايق مطلبٍ يطلبونه
صاروا مناديب يطيعون شارون
مار أطمئني جندنا يردعونه
سباعٍ لساحات الوغى ما يهابون
وشعبٍ ولاة أمورهم يعاهدونه
على المحبة والوفاء لين يفنون
ناقف جميعٍ من فدايا عيونه
وأرواحنا تفداه وأبليس ملعون
"مدارات شعبية"