عبرت باسم الأمير اسعود من حايل
وعبرت باسم الجبل حضره وبدوانه
نشجب افعول الطغاة وكل متحايل
من زاد عن مستواه وطاع شيطانه
حنا حماة الوطن نقعد صغا العايل
حنا صديق الصديق وضد عدوانه
حنا هل الدين حنا خطنا طايل
ما ننحني كود للرحمن سبحانه
حنا فدا للوطن لو دمنا سايل
ما راح منا فدا للفهد واخوانه
كل بتوجيه فهد الخير متفائل
قايد موجه سفينتنا وربانه
وعبدالله الليث ما به قولتن قايل
وسلطان سلطان رمز الجود عنوانه
حنا بخيرن ونعمه ضدها زايل
ما همنا طغمة الطغيان وعوانه
بظلال حكامنا عزوت بني وايل
أمن الجزيره هدفهم وامن جيرانه
ومن جنب الحق يم العق متمايل
سيف العداله يشيل الراس ومتانه
"مدارات شعبية"