حماك الله يا بو متعب وكيد الغادر المعلون
عليه يرد من ربي ويلقى الذل والويلي
عداة الدين خدام اليهود بفعلهم يخسون
براء منهم ومن مناهجهم جمله وتفصيلي
سويدين الوجيه اللي تحت لبس النساء يمشون
عليهم لعنة الله من يسميهم رجاجيلي
ضعيفين النفوس اللي لكيد بلادهم يسعون
بتخريب ودمار وفي تراوج الأقاويلي
مع القذافي اللي من عماه وحقده المدفون
وصل للمستوى اللي نزله لاسواء المنازيلي
فضيحة ثانية يمناء بها هالتفاه المجنون
بعد (لوكربي) المفروض ما يرسل مراسيلي
نكب شعبه نكب حظه عساه من الدنى للدون
هبيلا ما يميز بالمخارج والمداخيلي
لهم عبر الصحافة وصلوها ما يبي يصلون
أبو متعب منازيله ما بين الجدي وسهيلي
بعيدا عن دسايسهم وشعبه عن عداه حصون
أبو متعب فداه أرواحنا هي والمحاصيلي
عهد برقابنا يبقى الولا لحكامنا مرهون
لهم منا الوفاء ونورثه جيلا ورا جيلي
أمان بلادنا وخيراتها ياللي تبي تنسون
بفضل الله وثم جهودهم ما هي تماثيلي
لهم منا الوفاء يبقي وطنا بعزهم مصيون
عسا من كادهم ينكاد ويذوق الغرابيلي
"مدارات شعبية"