يالله احفظ قايد الإسلام وامهل في لياله
الزعيم اللي بذل في نصرة الحق الجهودي
احفظه وحفظ بلاد الخير يارب الجلاله
نبتهل لك فالركوع ونبتهل لك فالسجودي
والزعيم اللي يخطط.. له امعمر لغتياله
دونه السيف الرهيف بدونه الشعب السعودي
دون عبدالله ولي العهد بالموقف رجاله
الرجال أهل الوفاء رمز الفداء نسل الفهودي
من طبيعتنا الوفا لملوكنا رمز العدالة
وحبهم ما هوب ينقس حبهم دايم يزودي
يا معمر ريس الإرهاب واعوان الضلاله
لا انت لا مرغم على الفتنة ولا انته بمحدودي
كل ما تكبر هبيل يزيد عقلك في هباله
تنكر الفعل الجميل و.. جزاه الا.. الجحودي
انقذوك املوكنا عقب الحصار أهل الجماله
وفكو اقفال الحصار اطلقوا عنك القيودي
وادعيت انك رسول وقلت: أنا صاحب رساله
وانت فالاسلام مالك لا مكان ولا وجودي
المكانه للملوك أهل المروة والشكاله
طيبين الاصل والمنشا عريبين الجدودي
لا تعرض للزعيم اللي ينومسنا مجاله
شيخنا مقدم هل العوجا عمي عين الحسودي
قد عطاك الدرس فالقمه بقوه واببساله
يوم فارقت الصواب يوم جاوزت الحدودي
رد ابومتعب عليك ولا تردد في مقاله
كلمته قدم ازعماء الأمه وقدام الوفودي
أنت في وجهك من الاجرام تسويد ودلاله
خاين غدار لاذمه ولا تحفظ عهودي
وش وراء هاذي جريمه وش ورى هاذي نذاله
يا عدو أمة محمد والشريعة ياليهودي
ماتميز يا ضعيف العقل حرمه من حلاله
الكتاب اللي طبعته كذب ما هوب امحمودي
دارنا صعب على العدوانوطيه واحتلاله
دونه املوك البلاد ودونه الجيش امحشدوي
يا حماة الدين.. كافر كفر عمد بلا جهاله
ملحد ملعون ما يبغى على شركه اشهودي
قايد الإرهاب يالله طالبك عجل زواله
ويا عسى الماوى جهنم يا عسى اعظامه وقودي
والزعيم اللي يخطط.. له امعمر لغتياله
دونه السيف الرهيف ودونه الشعب السعودي
"مدارات شعبية"