ميل عقالك سيدي راس مالي
لو مالت الدنيا ولاء الشعب ما مال
على العهد باقين طول الليالي
من بيعة معزي إلى يوم الأهوال
العمر واحد والأمل بالجلالي
وأنتم هل العوجا بكم تضرب أمثال
يا حي صوتك سيدي والقبالي
رجال يخشى سطوتك كل رجال
سجات علمك مثل جلد البنالي
رمز تسولف فيك الأجيال لأجيال
خنجر حبوتي بيمني شمالي
ما هو ردى يمنى ولكن سعة بال
لو خططوا ما انته بسهل المنالي
لو المعمر مع معمر فلا طال
عيب علينا لبسنا للعقالي
كانه مسمى إبليس حرك لك ظلال
السيف في يمناك برق يلالي
ووقفتك تشرح كيف وقفات الأبطال
بأذنه صدى صوت يهز الجبالي
صواعق الفاروق والحق ينقال
فزيت له طولي وأحسبي لحالي
أثر الجزيرة واقفه كلها إجلال
يا سيدي حكام بأول وتالي
ذروة سنام الجود ماضين الأفعال
ما للعداء منه وفضل يقالي
يا سيدي والله ولا قدر مثقال
حكام دار له تشد الرحالي
يا مطبقين الشرع في كل الأحوال
شلتم عن الأمه حمول ثقالي
ومعمر للخزي والقذف وش شال
اعلام عليتم علمنا العلالي
يلاعب النسناس بالعز ميال
يا سيدي ما به بدالك محالي
وإلا بدل تمثال مليون تمثال
يابو اليتامى يا كريم السبالي
يا مدمي الهدات يا معرب الخال
لعداك علقم بس! للشعب حالي
فولاذ في حال وديباج في حال
هداج تيما والروى والزلالي
يا سيل يا سيل الحيا وأشهب اللال
ولي عهد اللي للأمجاد نالي
الحاكم اللي للعضيلات حلال
النيل في يمناه لأمته سالي
والقدر له بالدم بعروقنا سال
يا سيدي والله حتى الزوالي
منزلك عين! وعين للفهد منزال
يفداك عمر قبل هاليوم غالي
وتدوم يا مزن على الشعب همال
وميل عقالك سيدي راس مالي
لو مالت الدنيا (ولا) الشعب ما مال
"مدارات شعبية"