واثقين وعارفين ومومنين
بالله المعبود خلاق البشر
ودينا دين الحنيف موحدين
بنهار الشمس والليل القمر
ما علينا من علوم الضايعين
حي ولا مات ياكله النسر
ردها صقر الجزيرة بربعين
والصقر ليراح جا بعده صقر
واستلمناها وحنا قليلين
في ظلام الليل قدام الفجر
واحتميناها وحنا جويعين
والشراب مويه والزاد التمر
والسلاح الرمح في زنداً متين
وانتصر عبدالعزيز ولا انكسر
وجتمعنا له وجينا ميدين
وطلعت شمس الرياض وجا السفر
للوطن ودين حنا المخلصين
والملك دونه نفادي بالعمر
والفهد ناقف معه في كل حين
فرخا ناقف وناقف فدهر
ويا ولي العهد لمرك طايعين
بمركم ناطا على الموت الحمر
قول وانا قول حنا حاضرين
ليحصل بالمملكة علم وخبر
وهذا ابو خالد عشير الغانمين
من نصاه اجويع نساه الفقر
فاتحا الباب للي قادمين
قادمين له معا باب القصر
ما نعرف الجاي والي رايحين
عد منهل من شرب منه صدر
والعدو من هيبته مدسسين
من طلع منهم على الساحة خسر
والعيون الساهرة جو مسرعين
مثل لمح البرق يمطر به مطر
باشروا بالنار ضد المعتدين
والمواطن سلم ما جاه الخطر
احتموه رجال الامن الساهرين
تحت اوامر نايفاً عز وفخر
للوطن والامن رجالاً امين
الوزير اللي تعلى وشتهر
ماسك اليتمان بيديه اليمين
زارهم ووصى بهم سر وجهر
الامانة ما يخليها لمين
يا وزير الشعب فيكم مفتخر
المواطن والمقيم امشاركين
بالعيون وبالآذان وبالسهر
والحرس والجيش لكم مساندين
ليدعى الواجب تحرك ونتصر
ويالمير احمد ترانا جاهزين
جو ولا بر ولا فلبحر
جاهزين من زمان مدربين
ضربنا فراس ولا فنحر
ذي مشاعرنا وحنا معاهدين
وذي وصات اجدادنا من ذا الصغر
ما نخليها وحنا قادرين
والوصات بخط ثابت في حجر
ما يغيرها قرون ولا سنين
ثابتة معكم بنقشا في صخر
وسلام ختام للي حاضرين
عدا ما في لرض من نفس وشجر
"مدارات شعبية"