يا سيدي كلنا شعب طوابيره
ناقف حمايه ودولتنا سعوديه
ما يقذف الرعب قذافي ولا غيره
ما يقذفه في قلوب كلها حيه
قلوبنا إللي تضامنها على السيره
رباها الإيمان والسيره نبويه
حنا بصفك كبير الشعب وصغيره
ماحدٍ حمل لك يابومتعب كراهيه
وراع التآمر لو ايقدم معاذيره
عليه مردود هو واللي على زيه
وكانه يحذر علينا اليوم تحذيره
دام أهل الخبث فيها لحمةٍ نيه
(حية تبن) ما عرفنا شره وخيره
ما تنتهي لين يقطع دابر الحيه
يا سيدي جعل تدميره بتدبيره
وحماك ربي وخاب امشقلب النيه
مكانتك في قلوب الغير تأثيره
واضح ولا اهتزلك يا أمير شخصيه
أصل الشجر ما كسر غصنه عصافيره
ولا تنهدم هامةٍ عليا ومبنيه
العز في وجهكم بانت تباشيره
أصل وفصل ما خذيت العز عاريه
أقولها والشعر قد جاك تعبيره
وأرواحنا لك نقدمها فدائيه
"مدارات شعبية"