تخسا يدين الغدر ويدين الارهاب
يبون ابونا ومستحيل يجونه
اخسوا خسيتوا يا محلقة الاشناب
ترى هدفكم صعب ما تدركونه
عبدالله الله يحرسه رب الارباب
ودونه رجال بالخطر يفتدونه
رجاله معه في بندق الفال وحراب
روحه عليهم نصف قرن حنونه
والا معمر يلتوي كنه الداب
وحط النسا واشباههن يحرسونه
ادعوا معي والرب ما رد طلاب
يرتد كيده ثم تكثر حزونه
بمصيبة منها يفاجا وينصاب
ويذهب رماد طار ما يدفنونه
الله يخذلهم وفي كل الاوجاب
وعميلهم يفشل ولو يرسلونه
من فعلهم كل تعجب ومرتاب
ينوون غدره تقل ما يعرفونه
هذا الشجاع الصيرمي زاك الانساب
الوصف مهما طال مقصور دونه
هذا الذي عنده شباب وشياب
غالي غلا صدق ولا يرخصونه
هذا الذي بالجود ما سكر الباب
للشعب كل اسبوع يفرش ردونه
هذا الذي ملجا لمن كان منصاب
اللي حداهم وقتهم يزبنونه
ابو لمن تقطعت فيه الاسباب
يساعد اللي ضاهداته ديونه
والاب يوصف بالقمر كان هو غاب
تظلم سماها والوطا يفقدونه
الله يفكه من صواديف الانشاب
وفي شوفته كل يكحل عيونه
حنا يا ابو متعب جموع لها حساب
ومن خانكم خاسر وربه يخونه
اخلاصنا متوارثينه بالاصلاب
ماضي وحاضر والعرب يعلمونه
معكم بخير وشر وان ثار مشهاب
علم نقوله والعدا يفهمونه
ما دام هاذي وصلت الصقر حطاب
"مدارات شعبية"