يا أمير عنك أراذل الناس يخسون
لو حاولوا فعل الردى عاجزيني
الشلة اللي بين خاين ومجنون
على الردى والخبث مجتمعيني
ما الله مساعدهم على ما يريدون
خوان شعبه جند المارقيني
اللي نصر موسى على كيد فرعون
ينصرك يا عز البلاد الأميني
يا سيدي لك موقف عنه يدرون
موقف شرف له العرب شاهديني
والشعب كله يا بومتعب لكم عون
تحت أمركم يا سيدي حاضريني
أنت الزعيم اللي على الشعب مأمون
شهم وشجاع بنطحة المعتديني
والشعب كله في مساعيك ممنون
ومحبتك للشعب دنيا وديني
باسم قبيلة حرب بأمرك يهلون
بأموالهم وأرواحهم جاهزيني
عهد عليهم بالعهد ما يخونون
قبيلة في نجد متكامليني
وصلوا على اللي بلغ الكاف والنون
بأمر الاله أبلغ عنه الصالحيني
"مدارات شعبية"