أنا من حلت الفرقا وأنا ما بغى كلام الناس
ولا والله ابي غير الخلا من حلت الفرقا
اسج بسجة ارض قافره ما داسها دواس
اجر الصوت في روضٍ خضر مع نايح الورقا
اخيل بروق من قبلة يجيني قدمها نسناس
قنيفٍ ناشياً من غرب وحادر رايح شرقا
قنيفٍ مقبلٍ ما كنه الا راس جبل راس
سواه ليل وشرقة شمس الامن لاح به برقا
قنيفٍ درسم رعوده مثل طبلٍ مع رواس
يصر يغله طروقٍ تعجب اللي هاوياً طرقا
معه براق خيرٍ يضرب اخماس في عرض اسداس
إلا منه صعق ذليت وقام يزم بي عرقا
وهمل ماطرٍ يفرح به اللي طارش عساس
علي مثل امي اني خفت لاصبح غارقٍ غرقا
يا عله بعد دار الغرب من لندن الى تكساس
تخاتخ نجد في عز الربيع تشدني طرقا
ابي اسلى عن العالم وابي ادله عن الجلاس
ابي انسى الهنوف اللي بها شياً فرق فرقا
انا من عقب فرقاها خطير يصيبني وسواس
اذب رجوم واحول واعود ثانية وارقا
"مدارات شعبية"