أقفيت وأرجو مثل ما أقفيت تقفيني
وأرجو منك كل شيئاً فات تنسينه
خلاص أنا الماضي اللي لا تعديني
ضمن حياتك وضمن اللي تعدينه
ما عاد لي رجعةٍ لا عاد ترجيني
رجعة غلانا وربي لا ترجينه
إن كان يمديك أنا ما عاد يمديني
ماضيك مدفون عندي لو تعيدينه
حبك نهاية بداية ميته فيني
مقتول قدام يخلق كيف تحيينه
خلاص معاد ترغب شوفتك عيني
وحبلاً جمعنا قطعته لا تشدينه
ماني مجبور أجامل لجل تغليني
ولاني بمسكين ترضينه وتبكينه
غيرك وغيرك كثير اللي يعزيني
ماهو بمثلك تحبين وتمنينه
روحي ورايح مع الأيام تنسيني
وعيشي حياتك مع إنسان تحبينه
هذي نتاج غرورك لا تلوميني
عقلك براسك وبإمكانك تلومينه
"مدارات شعبية"