دن القلم واكتب ترى الصدر مليان
واكتب بيوتٍ مثل نقش الريالي
شيٍ بقلبي يا عرب تو ما بان
شلت الهموم السود.. سود الليالي
يا الله يا منزل تبارك ورحمن
انك تزيل الهم.. همٍ جرا لي
همٍ لجا في ثومة القلب وأشقان
بأسباب غروٍ شفت مرٍ وحالي
كلٍ ينام وصاحبه دوم سهران
مدري جنوب صار وللاشمالي
من غيبته قلبي شفوقٍ وولهان
أنا أشهد إنه دايم الدوم غالي
خلي علاج الروح.. للقلب شريان
ليته يعالج بالهوى جرح حالي
أحد يحب ويذكر الحب بأوزان
7وأحد سلى والكل بالكون سالي
الحب بلوى من قديمات الأزمان
يا الله سترك يا عزيز الجلالي
يا الله تجمع بين هايم وولهان
يا الله يا منشي حقوق الخيالي
"مدارات شعبية"