سلامات لابونا ذخرنا عبدالله الزيزوم
ولي العهد يا نور البلاد ودرعها الواقي
شديد الباس حرٍ لا شلع تخبط طيور الحوم
على الطلع البعيد تشوم نفسه والهدف راقي
أبو متعب عوين اللي شكى من وقته ومضيوم
نصاه وشاف طيب العون بعد الكون به ضاقي
عضيدٍ للفهد دايم عزيزٍ فوق روس القوم
كريم يبذل المعروف للي جاه مشتاقي
سديد الراي والحكمة يرد الحق للمظلوم
تهابه كل عدوانه وللفزعات منساقي
نذر نفسه لخدمة موطنه والحكم والمحكوم
يبادله الوطن عهد وولاءٍ بالوفا باقي
سلاماتٍ لقرم صيرمي في ديار قروم
سعوديين بالعليا علمنا دوم خفاقي
"مدارات شعبية"