جلست أسامر همومي واصبح أقول يا كافي
بعد كان الأمل واضح يصير اليوم متخفّي
نزعت القلب واعطيته لشخص ضيع أهدافي
وانا قبله احسب إنه يبي يمشي على شفّي
يا ليت القلب يوم إني عطيته صار لسنافي
عشان يجبر الخاطر وياقف دايم بصفي
عشان يكفكف الدمعة ويعرف خطوة الحافي
ويعرف كيف لا قلنا نقول القول ونوفي
حبيبي لا تزودها تراني ما رحم الجافي
نصيحه ترجع لقلب شجيع ما بعد رفي
وطيفك عكس ما تفعل يجي حتى وأنا غافي
ولكن كل ما ركزت دار الطيف وانكفي
دريت إنك بهجرانك تكدر جوي الصافي
وانا قلبي على نارك ودمع العين ما جفي
وترى طعنات هجرانك تزود همي الخافي
أمانة لا تكثرها ترى وحده بس تكفي
صحيح إني سليم الجسم.. سليم العقل متعافي
وأنا حي بها الدنيا ولكن فيك متوفي
وكأنك ناوي الفرقا ترى صحبتك تنعافي
حشا ما فعل مثل فعلك وألطم خدي بكفي
"مدارات شعبية"