يطول الهجر أو يقصر أنا المغرم أنا الولهان
أنا ميأس من الدنيا ما دامك عايشٍ فيها
حبيبي فيك متعلق لشوفك دائمٍ شفقان
أبي وصلك أبي ودك عيوني لا تبكيها
من أسبابك سهرت الليل في حيره وأنا الحيران
أهوجس فيك يالغالي حياتي لا تشقيها
تعشمتك من أول يوم خذلتيني بهالهجران
وبكفك ضاعت آمالي على بعدك نثرتيها
أخاوي الليل وأبحر به أخفف لوعة الأحزان
أفضفض له همومي كل نجوم الليل ترويها
وليلٍ دامسٍ يبكي سبايب قسوة الحرمان
حس الليل في ضعفي وقال: الله يبليها
بكيت الليل لين الصبح جاني ضمني بحضان
يعزيني على فراقه يالشمس ناديها
بكت شمس الضحى وغابت وشفت النجم بعده بان
سمرت النجم في ليله ياليتك ضويتيها
حبيبي لو يطول الصبر تبقى أعز إنسان
وأنا ما أيأس من الدنيا ما دامك عايش فيها
"مدارات شعبية"