يا ليت به للشعر قاضي ودكتور
ما ينشر إلا مصدر فيه تقرير
الزين يصبح في المجلات منشور
والشين يسكب في بطون المواصير
يصير بعض القول مخفي ومستور
ونرتاح بعض العبر والبرابير
الشعر عظمه بوسط الساق مكسور
امعزر في ساحة الشعر تعزير
ويشكي على اللي صار له بالشعر دور
اللي يصخر منهج الشعر تصخير
اللي يصخر منهج الشعر ماجور
ما صار منه اخلاف مير البلا غير
اللي بنو لشعر بيبان وقصور
يصرفونه مثل صرف الدنانير
هذاك نعطيه التحية ومشكور
ونقول له يصبح ويمسي على خير
مير البلى اللي ساري ما معه نور
خطر عليه يطيح في قاعة البير
راع الجحش يقول أنا راعي الكور
يمشي خطأ ومخالف يمة السير
شؤروا عليه إن كان ابيسمع الشور
لعله يطيع الوجيه المسافير
"مدارات شعبية"