أنت ياللي لك بعمق الروح مدهال ومتاعي
لو تخاشر فيه ما اظنك من الفاقة تجوعي
أفرقك يالولو الغبة عن اللول الصناعي
وأتمادى في متاهاتك على كيفي وطوعي
انتظرني عند باب العشق لين اجيك ساعي
لا تباطني وتعجلني وأنا توه رجوعي
البحر طامي وصلف الريح يصفق في شراعي
وها لبحر لا متعبه صدري ولا يرحم ضلوعي
المدى غربة ولحظات اللقاء مثل الوداعي
في زمن غير ومساعي غير يا عذب الطبوعي
الطمع منبوذ والدنيا مساعيها مساعي
والقناعة كنز ما يفنى وأنا رجل قنوعي
طيعني يا بلسم جروحي ويا سبة ضياعي
قبل تكبر شرهة الخاطر وللخافق تلوعي
لا تدق طبول نار الحرب وأنت إنسان واعي
خل عندك دبلوماسية قبل حرب تروعي
ما انصحك تدخل طرف فيه وأنا دوني ذراعي
وأنت اظنك تعرف ذراعي وتعرف طول بوعي
باكر أرحل عشاشيقك على النقل الجماعي
باص سابتكو بعيد الرمس شيال الجموعي
"مدارات شعبية"