إلنا الفخر بالمستشار الربيعه
اللي رفع راس السعودي صنيعه
جرّاح ماهر واعتلى كل قمه
ودكتور فاهم والمعاني رفيعه
ياسيد المشرط كسبت التحدي
وجعلت اسم المملكة فالطليعه
شرفت أبوك وجدك وجد جدك
وشرفت شعب المملكة فالوسيعه
مشرطك يفخر لامسكته بيمناك
يفرح بابو عبدالعزيز ويطيعه
اللي تعلى قمه المجد مره
تصير له عادة وتصبح طبيعه
يدين لك بالفضل طفل سيامي
خرج على الدنيا بصورة فظيعه
وحط الله أسباب الشفا في يدينك
والله ليا أراد الأمر يستطيعه
عزالله أنك تستحق القصيده
لو قصرت في مدح نفسٍ شجيعه
رفعت راسك والثنا تستحقه
بإنجازك اللي كل الأرجاء تذيعه
حزت المراجل بالشهاده وفعلك
والمرجله ماجت لنفسٍ وضيعه
ويحق لك يالمملكة لو فخرتي
بابن الوطن عبدالله بن الربيعه
"مدارات شعبية"