حنا حماة الدار عن كيد الإرهاب
شعبٍ وأمن ملتف حول القياده
ومن صد منا ما حسبنا له إحساب
يمشي وعينه مثل عين الجراده
يمشي بثوب وبشت ويراضع الداب
مسممٍ فكره يحارب بلاده
الإسلام بريٍ منك وإلا أنت كذاب
وسط الحرم تحط شرك وساده
ذبحت أخوك وجارك بدون لأسباب
مقرود واللي وجهك للقراده
وحنا فداء للدار لاشب مشهاب
لا شب نار الحرب نعلن جهاده
الشعب جاهز يحتري فتحت الباب
بأمر الفهد لو صار حرب الإبادة
دون الوطن ما يهم نموت ننصاب
أهم شيء نحوز على الشهاده
والحكم ما جانا بتأييد وأحزاب
جابه أخو نوره بفرض وإراده
وفهد عمود البيت وحنا له أطناب
من عانده يصير شره عناده
"مدارات شعبية"