سلطان طاب وطيّب الفكر والكيف
ونادى القريحة بالبيوت الثمينه
سلطان سلطان الوفا حرك الطيف
طيفه شريك الشعب ما أدري قرينه
عساك تسلم من جميع الصواديف
يا ريف شعبه والقلوب الحزينه
يا مشرع البيبان للي بهم حيف
ينصاك من مالت عليه الغبينه
يا معطي المحتاج يا روضه الريف
يا مقدمٍ للشعب بيضا يمينه
يزول باسك ما تجيك التخاليف
طهور من رب البشر سائلينه
تسلم ويسلم مكرم الشعب والضيف
الفيصلي باني الحصون المتينه
اللي نهض للمملكة بالمصاريف
طور حرم مكه وبيت المدينه
حتى أصبحت بلادنا كنها جنيف
يأتي لها السواح من كل عينه
ويسلم ولي العهد سم الملاقيف
سم القلوب الحاقده والدفينه
ولي عهد المملكة شذره السيف
شال الأمانه بالعهود الأمينه
رمز المحبة للقلوب المواليف
شارك وبارك بالسلامه عوينه
قلبه على سلطان هز السراجيف
مشغول ما نامت من الهم عينه
حتى أعلن الديوان عبر الأصاحيف
بان الفرح يا سيدي في جبينه
نعم الأخوه والوفاء بالمواقيف
صدق التلاحم للعقول الرزينه
بحسناك يا الخالق وسيع المحاريف
تحفظ لنا آل سعود من كل شينه
وتحفظ وطنا ورأيته بالمشاريف
مرفوعةٍ بالدين وتعز دينه
"مدارات شعبية"