من زود حبه زارته حتى الأطفال
وحتى المعوق فوق كرسيه جاله
سلطان ابو والشعب كله له عيال
معاه وقفوا مثل وقفة عياله
سلطان كل الخير للخير فعّال
ما يوصفه كل القصيد ومقاله
سلطان هو نبع الكرم.. غيث هطال
الشعر لو هو طال ما أحصى خصاله
سلطان ينطح باللقا كل من عال
والا صديقه ساعده من حلاله
سلطان سجل له عظيمات الاعمال
هذا عمل خيري وهذا جماله
سلطان كفه ديم ورجوله جبال
راس المروه والكرم والجزاله
سلطان كم جاله عن الضيم دخال
عن الفقر مدخل خويه دخاله
سلطان وسط قلوبنا بكل الاحوال
دايم على الشاشه نتابع خياله
سلطان من ما جاه يطريه فالبال
كل تعلم للوفا من خلاله
سلطان تشرق طلعته طيب الفال
يا الله عسى يبقى رفيع هلاله
سلطان ميزان عن الحق ما مال
فخر الملوك أهل الفخر والعداله
يا الله عسى سلطان عمره للامهال
الكل يدعو له عزيز الجلاله
"مدارات شعبية"