نحمد الله بالسلامة عسى عمرك مديد
يا أميرٍ حط فقلوبنا له منزله
التهاني لك تسجل من أبيات القصيد
من حروف الشعر نهدي بيوت مكمله
نرفع أسمى التهاني وكنه يوم عيد
يوم ربي سلمك أنت راع الأوله
أنت أميرٍ يعرفه القريب مع البعيد
أنت أميرٍ له مكانة ولا حدٍ يجهله
لك أيادي بيض بالخير يعطن المزيد
كم على يمناك فكيت راعي مشكله
تعطي الجزله وتبذل لها من دون قيد
بالوفا والطيب تضرب عليك الأمثله
يا عساك بخير تسلم وهذا اللي نريد
نطلب المعبود يقبل دعا اللي يسأله
واختم أبياتي بدعواي للرب الوحيد
يحفظ اللي حط فقلوبنا له منزله
"مدارات شعبية"