بديت باللي ياومر كاف مع نون
بحرفين يامنه ومر كائناً كان
اللي نصر موسى على جند فرعون
اللي خلق خلقه على أشكال وألوان
ومن بعد ذكره ببتدي كيف وشلون
أدري غريبة مستحيل الذي كان
سبعة سنين والسنة بألف مليون
بجهود مشعل كلها وسط نجران
من أول له لون واليوم له لون
الفرق واضح والسبب ذرب الأيمان
نجران صارت بالتطور مثل، بون
من يوم مشعل جاها الخير لا هان
الماء يجي نجران صافي ومضمون
من ربعنا الخالي (بفكرة) كحيلان
أمر بحفر البئر في عقل مازون
حتى تحقق ما يبي طير حوران
كل الصحافة ببو فيصل يشيدون
وسط الجرايد كل يوم بعنوان
والحد مع جيراننا صار مصيون
والفضل لله وانخزى كل شيطان
وأبوه قبله حط ما دونها دون
مهره خذاها سعود بالسرج وعنان
ولا همنا اللي ينكر الفضل ويخون
لويدعي بإصلاح ملعون ومهان
حكامنا ما هم لزمره يطيعون
ما نطيع ياكود الولي عالي الشان
ولغير رب البيت ما هم يعبدون
ولا يسجدون إلا لخلاق الأكوان
الله عطاهم باطن الأرض مخزون
ما هي عطايا فلان وفلان وفلان
وبيبانهم من دوننا ما يصكون
منا وفينا كلنا أقراب وإخوان
فقيرنا يأخذ مرتب من الشون
وزود على هذا يسوى له إسكان
ومن يلتجي لخوان نوره يبي عون
يبشر يجيه العون والخصم خسران
فهد وعبدالله من المال يعطون
وسلطان أبو خالد كما الغيث هتان
وهم الذي بالصلح والخير يسعون
تشهد فلسطين وكوارث بلبنان
وفي كل بقعه بها مساجد يحطون
هم نصرة للدين وإصلاحهم بان
وعن مملكتنا كل طامع يردون
بالسيف الأملح ما يهابون شجان
وختامها صلوا عدد من يصلون
على محمد عد ما هلت امزان
"ملحق اعلامي"